【離奇家居意外】菊梓喬畀按摩機整傷手

「星夢一姐」菊梓喬（Hana）正忙於拍攝新劇《刑偵日記》，日前她在社交平台的限時短片中，見她上戴一張傷手的相，手腕位置紅了一大片，原來不小心整親，她笑說：「其實有啲搞笑，因為我平時做運動、洗碗或者開工，所以隻手長期都有啲攰，咪用按摩機整吓手，但我又掛住整其他嘢，一時冇留意，攞番隻手出嚟就爆晒，都冇辦法，捽都捽唔散。」

Hana表示一專心做其他事時就冇留意，她笑說：「我都覺得究竟自己不嬲都咁大頭蝦定失魂，我嬲到將部按摩機丟咗，呢幾日出街，啲人見到都係咁問我隻手乜事，爛晒咁。」她最擔心影響拍攝，因為過兩日她要拍一場揸車戲，她笑說：「我都有問佢哋可唔可以幫我遮住，佢哋話遮到嘅。」