《反黑》淋香檳未算激!陳法拉誘人搽太陽油夠經典
20200822
東網電視
更多新聞短片
![](/hk/bkn/cnt/entertainment/20200822/photo/bkn-20200822180330968-0822_00862_001_01p.jpg?20200823113712)
你又記唔記得呢?
無綫劇集《反黑路人甲》最近熱播,有幕講到着住透視裝嘅蔣家旻,親自帶香檳送上門搵張振朗,佢用香檳淋到成身濕晒,仲擒埋上去張振朗度,打算投懷送抱,不過張振朗就不為所動。呢場「甜」戲成功吸引觀眾嘅眼球啦,隨即成為網民熱話。其實過往都有唔少劇集,都有「甜」戲成功搶Fo㗎,仲有唔少都係經典,一講你實記得啦!
好似喺劇集《師奶兵團》其中一場船P戲,着住比堅尼嘅陳法拉,色誘已婚嘅郭政鴻,要郭政鴻幫佢搽太陽油,法拉個樣仲要勁Enjoy,搞到好多人都葡萄郭政鴻囉!除咗呢場戲之外,陳法拉喺劇集《有營煮婦》,有場長達30秒嘅剝衫戲,僅上身剝剩胸圍佢仲畀洪天明亂入,嚟個「玉帛相見」,嚇到洪天明都O嘴,大灑鹽花!
「咪神」張秀文喺劇集《同盟》,都上演咗唔少爆乳色誘戲,講到佢為咗偷鄭子誠身上嘅物件,不惜使出美人計拋眉弄眼,仲拋出34D「導彈胸」胸壓鄭子誠,搞到鄭子誠暈晒大浪,試問點可能唔成功將物件偷到手呢!而《同盟》主角陳展鵬同胡定欣亦有上演唔少情慾戲,最激嗰場就梗係赤裸沖涼嘅定欣,同陳展鵬鴛鴦戲水,佢哋兩個擠喺浴缸內互相角力,直頭想挑戰電視尺咁話!
當年喺劇集《誇世代》一開播,就以經上戲一場震撼戲,36E咪神陳偉琪,飾演進擊的女職員,為咗討好上司陳豪,有埋香檳去陳豪間房,瞓埋上張枱,將香檳淋上身,嚟個濕身誘惑,叫男人點忍呀!