床戰互搶被鋪!湯怡咀王浩信愈吻愈驚心

20200822
東網電視
更多新聞短片
湯怡同王浩信鬥戲。
英皇藝人湯怡首次為無綫拍劇,於熱播中的《反黑路人甲》飾演老師的她,父親是黑社會頭目之一,她為父親頂替龍頭位置,王浩信的出現助她解決不少問題。講到劇中造型就如普通老師,斯斯文文、戴眼鏡,她說:「監製覺得我眼神好利,因為我唔笑比較Cool,副眼鏡令我個樣遲鈍少少。」她笑指浩信與她的問題一樣,不說話時樣子「很惡」,自爆第一日入劇組時很驚,見到對方也不敢正眼看,她說:「全部人我都唔識,自己企埋一邊好似小學生返學咁,好在張振朗主動走嚟同我傾偈,我第一次同王浩信拍時唔敢望佢,佢氣場好犀利,唔笑嗰陣好Cool!」
講到劇中她與浩信的床戲,播出時畫面只交代二人醒後狀況,但湯怡卻指拍得好激:「一Roll機浩信狂搶我啲被,我勁扯住張被,到Cut機時我同佢講:『其實我冇乜衫㗎咋!』佢勁唔好意思,而我就勁驚!』另一親熱點就喺中段時,佢Kiss完振朗就咀我,我間接咀埋張振朗,因為都咀咗一段時間,喺架車入面太侷促。始終拍呢啲戲都驚,唔想NG咁多,我叫佢主動啲,大家度咗幾次位,Action時未至於好瘋狂,但Feel到自己個心跳得好大聲,未試過Kiss一個人咁驚。(點解?)可能環境關係。(拍電影同陳家樂都錫過!)同家樂熟啲,冇咁尷尬。」
吊高27層腳軟爆喊
除了床戲,湯怡難忘拍攝一場於廿多樓高的吊高戲份,坦言嚇到爆喊,她憶述:「嗰時導演問我十幾樓得唔得,我覺得OK,可能畀咗個膽導演,佢替身都冇畀我,一上就27樓,惟有頂硬上,行到出去未拍已經腳軟,啲眼淚係咁標出嚟,好恐懼!(咁之後唔會再驚?)嘩!叫我再拍真係要諗諗,拍完畀阿媽鬧到死咗!」
湯怡 Credits:
Hair: Davy YU@AdmiXHairStyling
Outfit: iBLUES
場地: The Code