輪住晒恩愛！張振朗楊偲泳情侶泳褲放閃

藝人張振朗與有「巨咪陳妍希」之稱嘅女友楊偲泳（Renci）愈戀愈熱，Renci不但被揭秘密遷入男方寓所同居試婚，早前更被拍得孖住出海滑水，但因突然懸掛3號風球而被迫折返。可能見上次未盡興，近日佢哋再次出海，今次仲夾埋時間，齊齊喺自己嘅社交平台放相，隔空晒恩愛。

Renci昨日率先甫出多段以白色滑水衣上陣嘅滑水片段，又喺船上擺甫士騷腿，而今日就輪到張振朗接力，晒出着上藍黑色潛水衣配螢光泳褲嘅獨照。見到男友出甫後，Renci亦隨即再「加碼」晒出另一輯滑水靚相，今次仲換上另一套黑色潛水衣配螢光泳褲，同男友襯到絕，實行以情侶裝「放閃」。