森美演技被爬頭 改對白狙擊黃翠如

2020年08月24日 00:00
東網電視
更多新聞短片
森美叫翠如做一姐呀!
公認口才了得的森美,曾在電影擔正男主角,最近則於無綫劇《過街英雄》初嘗公仔箱「男一」滋味。飾演無良記者的他為銷量做盡壞事,其後認識黃翠如被改變,加上擁有超能力,過程笑料百出。
先後演過《法網狙擊》及《誇世代》,森美沒想過第三套劇便擔正,他笑說:「替公司擔心!我同翠如冇感情線,只係好多鬥嘴戲,另一方面就要追譚凱琪,不過都冇咩招數。最特別係佢兩個同我拍完劇後,兩年內都結咗婚,可能明白乜嘢係好男人啦!」
原來他曾與翠如合作拍電影,當時對方剛出道:「佢演記者訪問我,依家跨過我不特止,仲睇住我墮落!咁多年之後再見,佢教番我好多嘢,一姐嚟㗎嘛!我只係創作嘅人,佢就係一個好勤力嘅運動員,運動員都要練至會做得好,演技都係一樣!我睇佢做戲,都覺得佢揮灑自如,我就自愧不如,所以有時對白我需要時間去改,希望補番。」
除與翠如演鬥氣冤家,森美與一隻寵物龍貓也不乏對手戲,惟龍貓不受控制,經常走來走去,森美被咬也只能硬食:「好多時排喺最後一場,凌晨3點之後先拍,好眼瞓,後來分Shot同放嘢食引佢,拍咗幾個月都親近唔到。(做『男一』有冇上癮?)冇,太大責任,再搵我會勸對方唔好。」