馮盈盈上堂學標準粵語　誓要搣甩懶音

藝人馮盈盈經常遭網民狠批有懶音，但其實背後佢下咗唔少功夫，曾試過咬木塞練習，又向資深播音員請教，但要求完美嘅佢，最近更同無綫娛樂台新聞主播、言語治療師周佩婷上堂學習100%標準粵語。盈盈非常有心機抄Notes，佢仲話目標要成為正音KOL！

佢喺社交網留言：「眾所周知，我FYY一直致力改善發音，遍尋方法消除懶音問題，由最初開始意識到有粵音錯誤，於是嘗試咬木塞讀報練習，但慢慢發現當我沒有認清粵語正確讀音，再用力發音，都只會把錯音越練越深。於是我在《反黑路人甲》拍攝完畢後，跟資深報幕員羅山老師上正音班，學習標準粵語的正音正讀，打好粵語基礎 令我懶音情況大大改善，但我仍有疑惑，要100%準確發音。所以我決定以科學化及research-based方式學習廣東話，就是跟言語治療師周佩婷上課。」