到底有乜咁好？陸永畀李佳芯馮盈盈爭

藝人陸永出席資深製作人陳翹英負責編審和監製的新劇《智能愛（AI）人》拜神儀式，陸永首當男主角，劇中李佳芯與馮盈盈兩女爭奪他。對於初嚐男一滋味，陸永說：「唔好拘泥呢啲嘢，冇話男唔男主角，我只係一個男角色，女主角就有Ali（李佳芯）同馮盈盈兩個。（佢哋兩個爭你？）爭啲乜，佢哋爭我嘅戲份，我都唔在場。」

至於親熱鏡頭？馮盈盈表示暫時劇本未有，如果劇情需要都不介意。陸永笑問對方：「唔通你想加？（如果Ali和盈盈只能揀一個，會揀邊個？）Ali喺劇中係機械人，冇激情的配件。」他又指劇本寫他角色是外表極其俊朗，他也擔心監製是否找錯人，並笑謂盈盈原本有讚他靚仔的對白，但現在變成諷刺語句。

提到Ali評價陸永特別，他說：「通常唔靚仔咪話佢特別，唔特別就話佢好人，咁即係認我好樣衰啦！」問盈盈可擔心面對陸永忍不到笑？盈盈就大讚對方轉數快又多主意，所以事前要做足功課。陸永就稱讚盈盈上完正音班後咬字有所改善：「以前聽佢嘢嘢只係聽到兩成，依家聽到晒。」