戰勝癌魔好事來 陳勳奇榮升爺爺心急見孫

20200825
東網電視
更多新聞短片
陳勳奇戰勝癌魔後繼續自編、自導、自演新作,並收到孫仔出世的消息,喜事陸續有來。
曾拍攝《飛鷹計劃》、張栢芝與劉曉慶主演的《楊門女將之軍令如山》等大製作的導演陳勳奇(Frankie),2014年經歷喪女之痛後,2016年更發現患上罕見的甲狀腺未分化癌,體重一度速減32磅,健康狀況令人擔憂,幸他最終靠堅毅意志捱過苦痛,走出人生陰霾。
「覺得生命可貴」
近日傳來喜訊,Frankie的兒子做老竇,新抱為陳家添男孫!榮升爺爺的Frankie受訪時興奮地說:「BB是帥哥一名!」雖然他現於內地趕拍網劇《命運網約車》,未能第一時間返港見孫仔,但他坦言非常關心兒子:「幾十年嚟,今日先有一種成熟感,覺得生命嘅可貴,緊張個仔點認教個孫仔,同埋希望佢懂得珍惜呢份幸福時光,好好享受家庭生活。」
聲帶受損沙啞無力
談及健康狀況,他說:「大致上已經康復,只係聲帶被癌細胞破壞後,再做咗33次放射治療,聲帶嚴重被傷害,所以到依家嗓音都係沙啞無力,希望將來可以回復以前嘅宏亮音色!講嘢會影響對方嘅情緒,因為太細聲。」