唔理陳家樂照派福利！連詩雅晒水着慶祝破50萬Followers

藝人連詩雅（Shiga）早前憑無綫劇集《那些我愛過的人》人氣急升，近日又被東網影到與陳家樂行街，愛情事業兩得意。

呢日Shiga為咗慶祝個人社交網追蹤人數突破50萬，一於晒出性感水着相，向網民大派福利，相中佢以黑色間條三點式上陣，騷出43吋長腿及22吋黃蜂腰，仲有明顯腹肌線條，身材Fit到爆！佢企喺海邊狂擺誘人甫士，又對住鏡頭做心心手勢，實行要冧死一班男粉絲！佢留言：「感謝你們陪着我成長，見證我嘅喜怒哀樂，謝謝500k的你們！祝大家身體健康，keep住正面的心態！」