張靚穎被質疑說唱能力　緋聞男友護花意外令同居曝光

內地歌手張靚穎向來唱功了得，近日擔任選秀節目《中國新說唱》導師，卻遭網民質疑Rap能力，歌手出身嘅佢，於海選現場嚴謹執着參賽者唱旋律時嘅音準，走音即淘汰學員，亦有參賽者爆料指用粵語說唱卻被淘汰，並要求用普通話演出，加上張靚穎演出竟忘記歌詞，結果備受爭議。

作為緋聞男友嘅內地小提琴家陳秋蒔，尋日發文力撐對方，當中提到好多張靚穎嘅日常生活細節，包括一早起身去做健身、一日只食幾隻雞蛋月減10斤、靠安眠藥幫助入睡等，種種細節令二人疑似同居曝光。

2018年，張靚穎與前夫馮軻傳離婚後，隨即傳出與擔任婚禮伴郎嘅陳秋蒔撻着，二人拍到甜蜜拖手去睇戲，表現親暱。