張韋怡又發功講婚姻　強調自己唔貪錢

藝人張韋怡（GoGo）與有米老公Michael育有一子。不過早前佢被姑仔力數，話佢貪慕虛榮，二人各執一詞搞到滿城風雨，真係清官難審家庭事。

張韋怡又喺社交網以「不婚主義」VS「不分主義」為題發長文，承認自己係一個對愛情充滿憧憬嘅女人，佢呢段「婚姻」關係只有「愛的承諾」與「無限互動」，沒有「一紙婚書」給女人的「經濟保障」。佢話放棄咗呢份保障，因為佢任性和對對方的尊重與信任。自己亦不會在另一半的「姓氏」下生活，自己要活得有底氣，愛就一起，不愛就分。彼此都能夠愛得真實！佢重申經濟條件唔係首選，而是選了一個願意承諾：「背負上我和兒子一生」嘅人。

佢話2018年大宴親朋擺酒，所以大家都一直稱呼佢做「潘太」，仲話依家沒有「婚」也沒有「分」。呢個「潘太」亦可以說「未婚未嫁」，佢話：「我們兒子六歲了，一家三口一直家庭幸福，謝謝大家關心。」