港姐「外圍賽」！落選梁懿婷胸贏冠軍陳曉華

已被淘汰的今屆候選港姐梁懿婷真係好有戰鬥力，自從佢上次忽然喺節目《#後生仔傾吓偈》寸師姐、港姐冠軍馮盈盈見識少外，佢愈戰愈勇，今次佢就喺社交網上載去船P嘅泳照，着上一身藍色Bikini嘅佢，又跪又企出盡力擺甫士，佢仲嚟個俯身大晒三吋事業線，直頭好似要跌出嚟咁！

相反港姐冠軍陳曉華就「錫身」得多，佢上載咗兩張着上Sport Top嘅獨照，已經故意拉低外套影靚相嘅佢，大晒纖腰，不過就收埋事業線同長腿，好在佢靚樣搭救，都叫做力挽狂瀾啦。