囝囝100日大　周勵淇冧錫B仔慶祝41歲生日

藝人周勵淇（Niki）今年5月為內地演員老公誕下B仔，日前B仔滿100日，佢就為囝囝舉行百日Party，同時慶祝自己今日41歲生日。佢喺社交網甫出抱住囝囝嘅合照，見佢冧爆錫囝囝額頭，一臉幸福，認真「有仔萬事足」。佢又留言透露囝囝英文名叫Morris，指：「謝謝大家對我的祝福和厚愛，所有祝福我已經收到了，今年第一年和Morris一起慶祝，我已經收到最好的生日禮物了。非常感恩，Love u。希望可以好快同大家再見面，See u all soon。」

另外，佢又晒出另一張手捧生日蛋糕嘅靚相，並留言：「今年對我來說非常之特別和難忘的一年，好事成雙，好耐冇食蛋糕，食完先再減，謝謝。」