無緣港姐五強　廖慧儀：唔覺得紋身有影響

是非多多的（6）廖慧儀，最終港姐五強不入，問她會否感到失望？她謂：「我覺得釋放咗。（覺得自己表現點？）唔錯，因為賽前音樂有啲改動，要臨場執生，都滿意自己嘅表現。」

至於覺得自己欠甚麼未能成為三甲？她說：「個樣唔夠冠軍（謝嘉怡）咁靚，我第一眼見到佢，已經覺得佢對眼好靚。（覺得紋身會唔會有影響？）之前坦白公開講，係我嘅原則，唔會覺得紋身對比賽有影響。（之前話落選港姐會參加健美小姐？）真係可以諗吓。（今次輸乜？）入唔到三甲，唔代表輸咗，每個人嘅發展路向都唔同。」