謝嘉怡贏一樣嘢　陳楨怡郭柏妍分析失落后冠原因

港姐三甲出爐，他們接受訪問時，亞軍陳楨怡坦言未有因「屈居亞軍」而感到失望：「其實我冇諗過自己入三甲，因為大家一直都話我怕醜，不過後期我都好努力，有呢個結果好開心。（攞唔到冠軍喎！）真係冇失望，咁謝嘉怡好好，佢即使廣東話唔叻，都好努力咁去學拼音，佢今晚表現輕鬆，又畀到歡樂大家。」

季軍郭柏妍同樣表示未有失望：「參加港姐都係想挑戰自己，同埋試多啲唔同嘅嘢。我要多謝自己參加呢個比賽，因為平時好少面對咁多人。（覺得自己輸啲乜？）冇話輸啲乜，可能冇冠軍謝嘉怡咁風趣幽默，佢真係好努力。（諗住入行定繼續讀書？）兩邊兼顧啦，依家我都係半工讀。」