89歲老婦被掌摑兼點火！吳彥祖出手懸紅12萬緝兇

美國紐約市布魯克林區早前發生一名89歲只懂講廣東話嘅華裔老婦，被兩名蒙臉男子掌摑及於後背淋上煤油點火案件，男神吳彥祖（Daniel）決定出手懸紅15,000美元（約120,000港元）緝兇，而原先社區組織與同樣喺當地生活嘅歌手歐陽靖（MC Jin）已成立15,000美元獎勵基金，所以加埋懸賞已增加至30,000美元（約240,000港元）。

Daniel接受當地傳媒訪問表示當見到一個89歲老人家因種族動機遭到襲擊並被縱火嘅消息時，感到非常震驚，認為所有人都必須反對呢種可惡嘅行為，並將肇事者繩之以法。而社區服務董事會主席Don Lee就感謝吳彥祖支持及慷慨捐助，希望獎勵增加將鼓勵更多人提供有關襲擊者嘅信息。

而MC Jin都喺網上轉發有關消息，多謝對方慷慨解囊及為佢哋嘅社區發聲！