湯怡自認冇安全感　最驚男友消失！

藝人湯怡現身劇集《反黑路人甲》宣傳活動，她表示在昨晚一集中，七個喜歡王浩信的女仔終於同場出現，直言自己跟角色性格十分相似：「喺現實生活中，如果個男仔身邊好多女仔，我唔會爭，我會自動退出，如果係我就唔需要爭，如果個心唔喺我度，爭嚟都冇意思。（你有冇遇過？）好在冇。（人哋爭你？）唔係。我係一個好冇安全感嘅人，希望可以搵到一個令自己有安全感嘅人，至少要清楚大家嘅行蹤同埋做緊啲乜，唔會消失咗幾個鐘唔見人。（會唔會Check住對方手機？）我唔會，最基本係對大家有信任，試過身邊朋友去check對方手機，結果真係check到啲嘢。我寧願唔check，寧願佢呃我一世，知道咗好難一齊，始終兩個人相處最緊要都係信任。」

問到現時可有追求者？湯怡坦言有朋友介紹異性給她：「認識中，我一來冇時間拍拖，同埋想慢慢相處，唔會為拍而拍。（唔揀圈中人？）有話特定，睇相處感覺。（可能同前度洪卓立翻撻？）呢個唔答啦。」