蔡毅明Call腳打波　陳明恩蔣怡莊思敏着旗袍互揪

本地旗袍設計師蔡毅明（Grace）繼早前首創一場虛擬時裝騷後再下一城，邀請多位藝人好友自拍「穿上旗袍打波」的短片，然後串連成一次網上「乒乓社交」，片中由Grace首先開波，她示範了正反手打乒乓球後絕技後說：「邊個話着長衫唔打得波！睇住嚟啦！」

之後由蔣怡、前新聞之花蔡雪瑩、楊洛婷、模特兒HeyYeon、陳明恩、方健儀、何紫綸、可宜、莊思敏等輪住打乒乓球、桌球、手球、網球和籃球，短片剪接成好似互相傳球一樣，好有竻感。

藍帶名模蔣怡接波時最與別不同，不是用球拍，而是用平底鑊，然後用鑊鏟拍球；大肚陳明恩亦以記事簿當球拍，認真夠Fun；莊思敏就非常認真穿上旗袍在室內球場打籃球。

Grace說：「與圈中好友喺抗疫期間都不忘搞搞創意，一齊網上打波，邊個話着旗袍唔可以做運動？喺屋企都可以着得又靚又舒服，長衫都可以係日常服！」