【同屆港姐】曹敏莉楊洛婷17年友誼不變

前港姐冠軍曹敏莉今日38歲生日，同佢屬同屆港姐嘅楊洛婷，喺社交網透露同佢食飯慶祝，見兩個仲好開心拍片齊齊唱生日歌，唔少網友羨慕兩位17年友誼不變。

有老友慶祝生日後，曹敏莉喺社交網透露今朝七點起身，點知三位仔女比佢更加早起，目的為咗整生日蛋糕畀佢，令佢非常感動，曹敏莉以英文留言：「有生日蛋糕做早餐，我朝早七點起身，見到呢個新鮮嘅朱古力蛋糕擺咗喺飯枱上面，原來小朋友比我更早起身，靜靜哋焗生日蛋糕畀我，我會好好記住今年嘅生日。」