搞演藝學校　黎美言培訓「小HOTCHA」鋪後路

前女子跳舞組合HOTCHA成員黎美言三年前開設舞蹈拳擊學校，成績不俗，今年雖然受疫情影響，她無懼怕逆境中求變，膽粗粗投資六位數字開演藝培訓學校，為減低成本，與導師以合作方式教授，她說：「我係組合出身，一直有個夢想，好希望香港有間好似日本、韓國嘅演藝培訓學校，由細到大培育小朋友學唱歌、跳舞、表演，今次夢想終於實現，我一直好希望能培育出小HOTCHA。但依家開公司唔容易，咁嘅環境好難經營，唔會投資太多錢，所以轉個模式，我哋同10個導師合作，大家教唔同專長，以分拆形式，就唔再係要畀固定工資，但基本開支上，我都投資咗六位數字。」