野佬唱鹹濕歌？阿銘：只不過係玩吓

樂隊Yellow（野佬）為無綫J2節目《我們的音樂時代》擔任嘉賓接受主持許文軒訪問。野佬被外界定為「玩味重」的樂隊，音樂作品更具「情色」成分，成員阿銘說：「要追索番同填詞人陳詠謙合作嗰排，佢提議我哋唱呢類歌，話呢啲歌冇理由寫畀周柏豪，佢話啱我哋。其實我就最驚青咁唱，初初有啲擔心，其他成員話又唔係真係唱鹹濕歌，只不過係玩，估唔到出咗街之後，反應又好好。」

講到樂隊大部分歌曲MV也古靈精怪，主音小胡說：「我哋個個都鍾意演戲，但係又冇人搵我哋做戲，咁咪自己喺MV裏面做。其實我哋有諗過做啲型嘅歌曲，但係唔知點解出到嚟都係搞笑，以為阿康加入可以提高隊Band顏值同型啲，點知佢都Kai埋。」