《唐人街》Hold起！高海寧獲力捧連上四套劇

無綫原定9月21日晚上9時半播出的新劇《唐人街》，宣傳片昨晚已播出，但現在臨時變陣，改播由高海寧、馬國明主演的《C9特工》，對此，無綫方面發言人表示全因節目調動關係。而無綫之前已連續播出高海寧有份主演的三劇，包括《殺手》、《網絡騙案》、《反黑路人甲》，如今第四套都上埋。

對於變陣，高海寧接受東網訪問說：「我未收到公司正式通知，不過如果係真，當然好開心，一切都等公司安排！好感恩今年有好多作品畀觀眾睇到，呢幾年嘅努力拍劇冇白費到，又幸好全部都係唔同人物性格嘅角色，係一個好機會等大家睇到我可以詮釋唔同嘅角色，唔想咁快被定形，想發掘自己更多既可能性！

至於無綫則表示：「並未正式對外公布播出日期，節目調動是很平常的事，時有發生，主要是因配合全球同步播出。」

對於劇集需配合全球同步播出而被調播映時間，《唐人街》男主角陳展鵬接受東網訪問時笑言：「我都有年多、兩年冇劇集播出，好耐冇同家庭觀眾見面，大家會唔會以為我退休？但其實我係一個活躍分子，呢排做緊音樂，而且都籌備緊開另一套新劇。」展鵬又表示很久沒有陪女兒「小豬比」玩，拍完《超使使者》會盡快「修補」父女關係。