【繽FUN歲月】萬子金句大串燒！《喜劇之王》原本有佢

今年63歲嘅影壇大哥萬梓良，電視、電影代表作無數，因為演技一流又充滿霸氣，喺圈中地位崇高。「萬子哥」喺8、90年代勁受歡迎，可以話係無綫收視保證，好多孭飛嘅劇集都成為收視冠軍，其中《流氓大亨》、《他來自江湖》、《大家族》、《巨人》等都叫好叫座。

「萬子哥」演技多變，電影方面有勁多代表作，其中《旺角卡門》嘅Tony哥，以及《賭俠大戰拉斯維加斯》嘅Peter朱，更意外地成為網民至愛，佢嘅金句到依家仲係廣泛流傳。

萬梓良演技爐火純青，自然成為影圈搶手貨，原來周星馳當年拍《喜劇之王》，本身預「萬子哥」飾演吳孟達個角色，最終點解合作唔成？等同星爺合作無間嘅「田雞」田啟文同大家講吓啦。