【上位ing】回顧高海寧5大性感造型 邊個場面最經典?

20200909
東網電視
更多新聞短片
你哋又記得幾多套呢?
現年33歲嘅藝人高海寧最近備受無綫力捧,唔單止連續有四套劇播出,更升呢擔正女一,演藝事業愈見明朗。2008年參加香港小姐競選,雖然最後五強,但發展去向比同屆三甲好,入行至今12年,由花瓶進化成實力演員,終於捱出頭天。
繼日前喺熱播劇《反黑路人甲》中以低胸性感造型誘惑王浩信,大騷34D豐驕人上圍,畫面勁香艷。多年來高海寧有唔少性感場口,有啲造型更為經典,一齊回顧一下佢嘅精彩演出!
2013年於《法網狙擊》中慘被白健恩強姦,更遭連摑幾巴被霸王硬上弓,雖然只得背面,但係半裸大露背演出相當大擔。
2017年《不懂撒嬌的女人》飾演「田蜜」,不斷出招誘惑林文龍,當中藍色貼身裙造型「綑綁」設計勁搶眼,仲從後攬住對方狂發攻,果然同個名一樣夠晒甜呀!
同年播出嘅《賭城群英會》出水芙蓉一幕絕對係經典之作,三點式上陣玩濕身,又喺池邊同何浩文談情,換着任何一位男士都必定畀佢電暈!
2019年於《婚姻合伙人》首次擔正女主角,其中車上匆忙換泳衣一幕,引起網民Cap圖留念,Deep V泳衣開到落肚臍,受車猛烈搖晃不慎跌到,夾出5吋事業線成為熱話。