王馨平被郭富城迷倒：見到佢好緊張

歌手王馨平（Linda）晚上現身電視城，錄影節目《流行經典50年》，本集主題為1991年金曲，她演繹偶像陳淑樺的《夢醒時分》，以及郭富城《我是不是該安靜的走開》。91年是Linda的「少女時代」，她說：「我93年出道，而當年郭富城拍嘅電單車廣告簡直風靡萬千少女，嗰時佢畀廣告女主角潑濕晒，但依然佢好靚仔，我入行後見到佢仲好緊張。」

提到近日疫情略為緩和，Linda表示抗疫以來，自己於網上教授瑜伽課程。問到是否得久未有返台灣探爸爸，她說：「係，但其實我本身係台灣人可以返，只係來回隔離28天，而且台灣仲未可以到醫院探病，照顧爸爸嘅責任交咗畀妹妹，我都知道妹妹好辛苦，有佢喺度我安心好多。」