孖阿仔鬥晒肌 馬德鐘父子檔拍廣告吸金

2020年09月10日 22:22
東網電視
更多新聞短片
有其父必有其子,型到爆!
視帝馬德鐘首次聯同囝囝馬在驤一齊拍廣告吸金,拍攝當日馬德鐘先 「爆肌」狂騷靚Body,但他指還要繼續努力操弗:「因為依家拍緊《飛虎3之壯志英雄》,稍後緊接開拍另一套新劇,所以要以最佳狀態示人。」
談到今次父子檔上陣,他笑言:「本身同品牌已經合作咗五年,加上大家合作好開心,品牌亦見證阿仔成長,知道佢咁啱喺香港,就促成今次拍攝,一齊做代言拍廣告 ◦ (酬勞是否可觀?)開心價錢。」問到覺得兒子表現如何?他謂:「當然滿意,因為係阿仔處男作,今次畀咗我。」
馬在驤拍攝當日一舉手一投足,都chok到盡,絕對不比爸爸遜色,他亦同樣表示很高興可以與爸爸一齊做代言工作,現場更不斷向爸爸請教擺Pose技巧 ◦