黃翊作歌拍MV冧老婆　康子妮做「愛的替身」

林曉峰與康子妮驚爆離婚，而有讀者爆料指黃翊介入這次離婚事件！康子妮視黃翊為偶像，2018年1月開始分享雙方合照，當時她留言表示知道對方同年10月會舉行個唱：「重要事要講三次！我好開心我好開心我好開心！#最愛是你」，同年9月更擔任黃翊《愛到底》MV女主角，當時更被指與黃翊太太陳存正撞樣。

《愛》由黃翊親自作曲，憑歌寄意，表達對病妻陳存正不離不棄，歌詞感人：「誰願放手 走過患難富貴同甘苦病危 愛到底 一起走到了天梯」。MV中，黃翊與她拍婚照，更跪地為她穿高踭鞋。

當時康子妮曾上載MV中坐輪椅的花絮照，留言表示要為陳存正打氣，又打趣留言：「自己推自己架輪椅好攰㗎！」黃翊立刻回覆：「你要食多啲飯先至夠力㗎」，未幾她再秒回：「我驚我食咗啲飯去晒個肚腩！」黃翊即回復：「你鬼有肚腩，瘦到見骨」。同年10月黃翊舉行個唱，擔任和音的康子妮分享後台合照，兩人身貼身影相，表現興奮。