出海學徒手潛水　白雲晒強悍事業線遇金毛飛

身材不嬲都凸出嘅「咪神」白雲，呢排趁疫情緩和即刻出動，搵教練上潛水堂，佢仲拍晒片同大家分享，雖然着住潛水衣，但都遮掩唔到豐滿上圍，稍為輕輕拉低條拉鏈，強勁事業線極養眼！

為咗考高級潛水牌積極練習，白雲除咗要喺冇氧氣筒同蛙鞋嘅裝備下潛水，仲要做閉氣訓練，因為都好耐冇喺太深水嘅地方潛水，所以心情好緊張，點知未正式潛水之際，白雲身邊就突然出現咗「金毛飛」，原來佢係一隻金毛尋回犬，狗狗仲喺白雲前拍水，氹到佢不知幾開心，白雲亦同狗狗游咗一段路，先收拾心情去上堂，喺水底仲畀心心又派飛吻，心情靚到不得了。

想Share正片？Email過嚟：

bunfun@on.cc