掃零食唔識用電子貨幣付款　吳君如叫陳可辛埋單

女星吳君如與導演陳可辛都是「廿四孝父母」，一有時間就會抽空陪伴14歲女兒陳是知，經常被拍得外出享受家庭樂。由於受新冠肺炎疫情影響，女兒被迫停課，一家三口趁機出埠遊玩。

「女不離身」的二人日前撇下囡囡，相約數名友人於尖沙咀晚膳，席間眾人大歎美食之餘，更不停吹水，至晚上9時許才埋單離開。

眾人意猶未盡，站在街頭雞啄唔斷，期間陳可辛突然步往附近的零食店，君如及友人見狀即尾隨。進入店後，精打細算君如專攻「買一送一」的減價貨，反觀陳可辛則未有刻意格價，買甜筒贈友人，大導演真係闊綽。

逗留約20分鐘後，君如精挑細選購下大袋零食。排隊畀錢期間，她與友人研究電子付款操作，未知是否程式出現問題，搞咗一輪都唔成功，她即叫陳可辛代為付款，然後與友人閒聊幾句，手持大盒零食步出店外等車。