【人生最後訪問】揭譚炳文唔肯見李香琴原因

患肺癌的「配音王」譚炳文上周六病逝，終年86歲。而炳哥生前最後錄製的電台訪問，明晚將會播出，而擔任這個訪問的幕後製作人楊紹鴻稱，內容有提到炳哥與多年的好拍檔李香琴之關係。由於琴姐近年腦退化認不到人，炳哥年前曾往探望，結果卻是連他這位「親蜜拍檔」都認不出而心傷，楊紹鴻稱：「訪問中我同炳哥講，佢呢十年八年嘅合作老友唔係病就係走（離世），舊年我就話不如一齊去探琴姐，佢第一個反應話唔去，我都覺得好突然，細問下先知炳哥覺得跟琴姐咁熟都唔認得，覺得好心噏！」至於炳哥亦在訪問稱，希望晚年過得安樂，兒女可以自力更生，便是他的最大心願：「自己都到人生盡頭，唔使再捱，老人家要健健康康，如果連食、瞓、屙都唔得好就好慘！」