《七公主》煞科　鄺潔楹體力透支：去拔罐好黑好爽

由黃翠如、高海寧、陳瀅及鄺潔楹等主演的無綫新劇《七公主》經多月來緊密拍攝終於煞科。一眾演員建立了深厚友誼，難怪導演一Cut機，即爭取機會合照。陳瀅於社交網站上載相關照片，眾女於笑容一致。陳瀅透露﹕「最難忘其中一場燒嘢食戲，我哋仲要著長袖戲服，加埋差唔多40度，熱到差啲中暑。」

「萬綠叢中一點紅」的丁子朗回應：「今次真係個好好嘅回憶，我能夠一次過同咁多位公司最當紅嘅女演員合作，機會難得，佢哋個個都好好，好演員之餘仲好包容我呢位新丁。場場戲都好難忘，事關大部分時間都大班人開工，拍得好開心。」

而在《七》劇尚未煞科時，子朗已投入另一部新劇《金宵大廈2》的拍攝工作：「咩劇情未講得住，只可以話我今次我演外賣員，咁啱撞正疫情成日叫外賣，都希望喺外賣員身上取經。」

另外，鄺潔楹於《七》劇內扮演一名事務律師兼劍擊手，她為了投入角色，花了不少時間苦練劍術，體力透支可想而知，結果跑了去拔罐舒筋活絡。她於社交網上載拔罐相，留言：「（煞科）第一件做的事，不是大擦一餐，而是去拔罐，好黑！好爽！」