何超蓮跟竇驍返家鄉睇《長恨歌》　網民笑似受罰學生

賭王三房千金何超蓮與男友竇驍愛得高調，超蓮更樂做跟得女友，除咗千里探班外，最近又一齊返去竇驍家鄉西安，尋日仲去到華清宮欣賞歌舞劇《長恨歌》！

華清宮官方社交網上載照片，見兩人着上黑白情侶裝，齊齊企埋一邊，雙手放背後，雖然戴上口罩，但都見到佢哋神情一致，相當嚴肅，有網民笑言：「兩個呆呆，像受罰的兩個學生！」、「兩個人正經的樣子！」、「我感覺他倆愈長愈像了！」而另一張相佢哋就除低口罩，面露笑容接受紀念品，與負責人合照。