傳SheShe又如何？鄧萃雯照放同陳潔儀錫錫相送祝福

現年54歲嘅藝人鄧萃雯（雯女）與新加坡陳潔儀感情深厚，去年更傳出二人SheShe戀，但雯女已澄清並強調依然喜歡男士。今日陳潔儀48歲生日，雯女亦有喺社交網上載一張兩人扮錫錫嘅相片，並留言送上祝福：「給我親愛的好友@Kit陳潔儀一個深深的生日祝福。祝願你做到你心所想的，並且一定要幸福！『我可唔可以post呢張相呢？等人羨慕吓原來咁大個都仲可以識到一見如故嘅閨蜜，所以不要灰心放開自己去認識新朋友！❤』雖然老友但都要徵詢對方同意，君子之交淡如水卻又隨時甜如蜜」