疫情打擊工作大減 林欣彤慳住過活

2020年09月15日 21:30
東網電視
更多新聞短片
林欣彤依家瘦咗唔少!
歌手林欣彤(Mag)和陳蕾為ViuTV音樂節目《Chill Club》錄影,受疫情影響,Mag笑言已忘了對上一次公開活動是何時,雖然8月曾舉行網上音樂會,但始終不能與觀眾面對面:「氣氛冇咁好,不過都好珍惜有演出機會。」講到不少工作擱置了,收入可受影響?她笑言:「冇計,仲生活到,都ok,我都好慳,其實都唔只我哋呢行,好多行業都受影響,希望疫情快啲過。不過呢排係多咗時間同屋企人一齊,之前好少時間可以一齊食飯。」
講到她之前自爆患上飲食障礙症,更因藥物肥了10磅,看似減肥成功的她表示:「其實我未至於係患病,只係有段時間不停咁食嘢,試過成班朋友食飯,連男仔都停晒手時,我仲不停咁食,包底食晒啲嘢,因為我又唔想嘥嘢,呢個情況都維持咗幾個月,之後跟營養師指導食嘢,依家都keep得番。」
至於陳蕾亦謂已很久沒出席公開活動,原本曾想舉行網上音樂會,但最後都未能成功,但慶幸都有keep住出歌。講到疫情期間的生活,她笑言買了很多書看,又有織冷衫,問到可有織畀男仔?她笑言:「冇呀,淨係織畀自己,因為好複雜,冇心機織。」