螢幕初吻獻老外 陳欣妍:都幾刻骨銘心!

2020年09月15日 22:15
東網電視
更多新聞短片
陳欣妍最近人氣急升!
藝人陳欣妍憑ViuTV行山節目《美女郊遊遊》而人氣急升,疫情下依然廣告不絕兼有戲拍。Shirley自言沒有「上位」的感覺,故不會有任何壓力,她豁達地說:「的確係多咗人留意我,呢個我只會視為Bonus,依然好平常心,活在當下,有工開就好開心,況且可能人氣好快就過。(有冇諗過咁爆?)我做每一樣嘢都冇諗之後會點,冇好大期望,只係好投入咁做,拍攝過程好開心。」
最初節目以比堅尼行山為賣點,結果引起爭議,Shirley卻不以為然:「我知道呢個係節目嘅噱頭,所以OK,都要睇開啲!有正評就有負評,幾多人鍾意就有幾多人唔鍾意,即係有爸爸就有媽媽,哈哈……」大晒Shirley式金句!講到工作接踵而至,她笑言不清楚有多少廣告合約在手,但最開心是接洽了啤酒廣告,因為她本身就是用家之一!非常真性情。
憑綜藝上位的Shirley強調自己是演員出身,所以希望將來能專注影視工作,亦不介意在鏡頭前有大膽或性感演出:「如果係演藝我OK,因為係演繹個角色,我嘅底線係唔全裸,性感係冇問題。」又指剛完成拍攝的港印合拍片中有接吻鏡頭:「總之劇情有需要就會做,我唔介意!獻個螢幕初吻畀外國人,都幾刻骨銘心,哈哈!」現實中傻大姐性格的她原來最想飾演反叛或殺手等角色,不介意跟男友沈震軒合作:「因為作為演員需要開放自己,懂得Say Yes!」