【女神獻身】搶韁出擊!陳瀅除戒指等方力申「求婚」

20200915
東網電視
更多新聞短片
陳瀅應該好愛小方,超級主動!
陳瀅、方力申與唐詩詠早前接受邵氏節目《Tiger's Talk》訪問,主持人林盛斌(Bob)大爆小方很少跟女仔單獨約會,陳瀅即表示「不認同」,笑指對方曾約過她,但最後沒有成事,還指小方曾介紹她去見星座專家,對方指她三年後會結婚,而個男仔嘅條件竟然同小方嘅條件差唔多,令陳瀅忍不住笑指覺得是男方收買了該位星座專家。
訪談期間,陳瀅狂做主動向小方「示愛」,談到擇偶對方,陳瀅即指向小方,仲有讚佢有型兼善良,見陳瀅玩得咁開心,Bob與另一主持伍詠薇(伍姑娘)當然大撥媒人葵扇,陳瀅更主動除下手上戒指交畀方力申,等對方幫自己戴上,在鏡頭前飛來艷遇,小方拿着戒指選擇「打死唔郁」,陳瀅繼續high爆狂玩,連坐在他們中間的唐詩詠都忍唔住要撥埋葵扇,叫小方「大膽啲」!
不過,方力申繼續呆爆,仲話唔知陳瀅邊句真,Bob開始有啲激動,並鬧小方:「人哋咁好你都唔鍾意,正人渣!」伍姑娘則笑言:「冇鬼用㗎!」
之後,唐詩詠呢位「電燈膽」都坐開,等方力申同陳瀅坐埋一齊,陳瀅更再次重申真係喜歡小方,仲話:「都唔知點解要質疑我。」成場被玩到呆吓呆吓嘅小方,本來想飲啖酒定神,點知陳瀅仲有下文,主動舉杯同小方玩合卺交杯,令小方真係嚇到唔識反應,陳瀅就繼續笑到趴喺度,玩得好開心,不少網民看完節目之後,都不停留言話陳瀅堅喜歡小方,但其實兩人其實早於三年前已經傳緋聞,但最後沒有下文,近期小方更被指獲小師妹蘇皓兒(Chloe)睇中,兩人拍MV,女方更為小方獻上螢幕初吻!除咗小方深得蘇皓兒喜愛,陳瀅近月都被指跟前度何猷亨翻撻。