唔見李晨！范冰冰生日化身貓女神黐實靚仔合照

今日係范冰冰39歲生日，早前疑李晨豪使70萬以土豪方式用無人機編隊於上海的夜空表演，提早為冰冰慶生，場面浪漫到暈！大家都好期待正日李晨會唔會有新搞作，不過可能要到今晚先知！不過，范冰冰好友就提早為佢慶生，照片今早就出現喺網絡上，見冰冰戴上啡色貓耳朵，化身貓女郎，喺一間Party room，手拿粉紅色花束，背後仲有一大紮馬卡龍色氣球，十足十入咗夢幻城堡一樣，而佢兩位好友係娛樂公司老闆楊天真，及冰冰御用造型師卜柯文都向冰冰送上祝福，「善良的，美麗的女孩，願你永遠快樂！」