張栢芝新紋身覆蓋「1111」？網民估同細仔生父有關

藝人張栢芝前年突然誕下三仔張禮承（Marcus），生父一直成謎，母兼父職嘅栢芝，除咗照顧三子得妥妥當當，仲努力為自家品牌宣傳。活躍於社交網嘅佢尋日更新，透露正於酒店進行隔離14天，雖然未有透露去邊，但作為三子之母嘅佢，尋日一抵達酒店就全面進行清潔，狂消毒物衣、拖鞋、行李等，房間仲放擺放消毒蒸汽機，防疫措施做到足。

其中一段短片，着上吊帶背心嘅栢芝意外令手臂紋身曝光，隱約見到一串英文字母，網民紛紛「柯南」上身，研究紋身究竟係咩字，有網民認為唔係栢芝同Marcus嘅英文名，反而揣測係咪同細仔生父有關，因為栢芝同謝霆鋒離婚不久，有網友發現其手臂腋下多咗新纹身「1111」，如今已被新紋身覆蓋，唔知係咪代表新階段呢？亦有網友發現，呢個紋身不嬲都有，因為栢芝用電話前鏡拍攝，所以左右手調轉咗，令人有所誤會！