山本耀司冠名街牌?

2020年09月16日 13:15
東網電視
更多新聞短片
Supreme x Yohji Yamamoto聯名系列近日正式公布了完整單品。(互聯網)
曾經High Fashion同Street Fashion兩者之間有一條畫得清清楚楚的楚河漢界,兩邊河水不犯井水,各自用自己堅信的設計理念去滿足兩群不同的支持者,但近年好多高級時裝品牌可能受經濟環境引致業績欠佳關係,榨取利潤為先都難免要踩過界,放下身段與街頭品牌聯名合作。而坐擁無數Fans的街牌龍頭Supreme,就成為不少高級時裝品牌挽救業績及人氣的救命符。
今季最新推出的Supreme x Yohji Yamamoto聯名系列,相信對於街牌Fans來說絕對是天大喜訊,因為見到自己鍾愛的街牌再次成功征服到高級時裝領域,連一代神枱級日本時裝大師山本耀司都與Supreme合作,興奮程度應該不下於James Jebbia。但試問追隨「黑色詩人」數十年的時裝信徒見到呢個聯名系列真係會有購買欲?定還是戥曾經歷財政問題破產的時裝巨匠輕嘆一聲?
系列中主打的Leather Work Jacket、Suit Jacket、Parka、Shirt及Hooded Sweatshirt多款服飾單品,分別於正面及背面加入Peter Saville、Yuuka Asakura及Chito的藝術作品為賣點,而其他包括:Down Jacket、Crewneck、Logo Tee、New Era Beanie則簡單直接將兩個品牌名字並列而已,剪裁及細節當然欠奉,儘管你可能以用頗高的炒價去擁有此系列單品,但都要清楚你依家買緊嘅係「Yohji Yamamoto冠名嘅Supreme」,而並唔係真真正正有Tailoring的高級時裝。