藝人貪玩整「五一」黃手套?周嘉洛:等公司調查

2020年09月16日 14:42
東網電視
更多新聞短片
周嘉洛話當日在場,但就冇留意手套。
無綫處境劇《愛.回家之開心速遞》演員周嘉洛與鄺潔楹在將軍澳電視城慶祝劇集今晚播出1,000集。講到劉丹希望劇集拍足2,000集,周嘉洛笑說:「正,好開心、好期待呢個創舉,其實丹爺可能係拍得最多處境劇嘅男藝人,可唔可以參加健力士紀錄大全呢,我有諗過,不過齋諗,聽講申請都幾麻煩,哈哈。」
上星期三(9日)播出的一集被網民發現劇中有黃色手套以「五大訴求、缺一不可」手勢掛於電腦上,有指拍攝該集的導演Justin已辭職,周嘉洛說:「交畀公司調查,聽講仲調查中,Justin嘅離職我得知說法係私人事務辭職,詳細唔清楚,唔敢亂講。(話有藝人貪玩將手套擺成中指手勢而演變成事件?)當日我在場,但冇留意手套,亦冇聽過呢個講法,所以等公司調查、處理。(拍劇小心啲留意環境?)每個人都有自己嘅工作崗位,自己好少會牽涉去其他部門,做好自己嘅戲先。」
講到戲中與她有對手戲的導演Justin離職,鄺潔楹說:「佢係我戲裏面其中隻兵,佢只係客串吓啫。」她又指劇集在黃金時段播出,有很多家長及小朋友收看,故言行舉止也要加倍小心。
有份拍攝該集的陳浚霆表示:「我乜都唔知,都想知件事件點,再問吓監製。(影響拍片攝士氣?)絕對冇,每日開工時間都好密,基本上都冇時間諗其他嘢,一入到錄影廠就即刻埋位拍攝。(話因因有演員貪玩將手套擺成中指引起事件?)當日喺現場,場戲講我同周嘉洛、李偉健三個人喺外面行入嚟,所以唔知裏面發生咩事,同埋已經係一個月前嘅嘢,詳細都唔記得。」