郭富城勁着緊造型 楊千嬅:唔畀人掂個頭!

20200916
東網電視
更多新聞短片
要求好高!
藝人郭富城、楊千嬅及導演黃慶勳現身TVB娛樂新聞台節目《StarTalk》大談拍攝電影《麥路人》感受,郭富城稱電影對他感受特別深:「部戲我睇咗好多次,剪片時已經睇,我以為睇到第三四次自己都知劇情,心情可以平復啲,估唔到睇咗咁多次我啲眼淚都係不停流,我未試過睇自己拍嘅戲感受咁深,睇完戲可以釋放到自己,有得反思。」今次郭富城為了角色,造型落了不少功夫,又要捱餓演出,千嬅笑說:「佢仲唔畀人掂佢嘅髮型同衫,叫人唔好搞亂佢個頭,唔使幫佢執正。」
為了角色,千嬅跟劇組去廟街實地探討「歌女」的人生,她說:「我唔想用歌女去形容佢哋,其實佢哋係一班歌手,同過佢哋傾偈之後,真係學到嘢,明白冇嘢係必然,更加懂得珍惜。」她續說:「拍電影同時拍緊劇集《多功能老婆》,唔知點解一見到成個劇組同佢哋嘅狀態自己就好快上身,可能自己太鍾意個故仔,反而我拍完電影返去拍劇,我要花多少少時間入戲,我一度返唔到去《多功能老婆》。」