原來係賭神！陳詩欣表演甩啤牌

「宅男女神」陳詩欣（Eunice）唱歌得、主持得，估唔到原來「甩牌」都得！見佢手上攞住一張啤牌，但牌面向出，呢個時候佢就開始表演「絕技」，佢係咁用手甩張牌，甩呀甩、甩呀甩，甩到張牌都就嚟皺，之後佢開始「運功」，仲甩到瞇埋眼，「發力」之後佢就問觀眾：「紅色嘅係咪？」然後佢繼續甩，甩足30秒之後，佢終於甩到，仲十分得戚話：「係咪......階磚5！」認真犀利！

對於之所以表演「甩牌」，Eunice笑言：「因為有次上網睇到有人咁做，我覺得好神奇，點解佢可以估到手上嘅牌，發覺原來係因為喺不斷甩牌嘅過程當中偷睇。」但佢就自嘲「失手」：「但我就睇得好明顯，哈哈！」

想Share正片？Email過嚟：

bunfun@on.cc