王敏奕否認為爭「視后」加盟星夢

藝人王敏奕在將軍澳電視城出席加盟星夢娛樂記招，正式成為樂壇新人。無綫高層杜之克、余詠珊現身支持。自細學彈琴唱歌的王敏奕自言一直希望唱歌，只是沒有機會，今次因星夢老闆何哲圖（Herman）與她的經理人熟稔而促成合作，換起她心中唱歌團火。她說：「Herman搵我，都諗係咪真㗎，係咪講笑，但係好快就安排去試音。」

王敏奕指老公曾國祥作為身邊人自然支持，但笑謂練歌時為免打擾，自己匿在衣帽間唱歌。王敏奕指老爺曾志偉也支持她唱歌，講到曾志偉傳與何哲圖的太太余詠珊傳不和會否感尷尬，她則說：「係咩，冇聽過。呢行最緊要係接受緣分嘅安排，同埋畀心機努力。」

問到加盟星夢是否為了爭「視后」？她說：「唔夠膽諗，簽星夢主要音樂發展，簽星夢前已經有拍劇合作。（爭星夢一姐？）唔好咁講啦，做每一樣嘢都會好努力，希望快啲出歌。」王敏奕加盟星夢後則不能拍攝其他電視台劇集，她否認因而是天價加盟，酬勞合理。對於加盟的排場不及早前的王灝兒（JW），未有星夢歌手撐場，她說：「疫情都好難請好多人嚟。」