借小鬼Sell保險?林作堅稱冇抽水

2020年09月16日 17:05
東網電視
更多新聞短片
林作話唔係抽小鬼水喎~大家自行判斷啦!
現投身保險業嘅「十優港姐」麥明詩前度林作,早前借《黑豹》男星Chadwick Boseman離世消息宣傳買保險,引來全城鬧爆「抽水」,今日台灣男星黃鴻升猝死,林作亦有於社交網轉發其死訊,更聲稱唔會再「抽水」Sell保險:「點啊?以為我又會抽水叫人買保險啊?我咁predictable, 你哋就唔會咁鍾意我啦!我係唔會講『意外隨時發生,沖涼出黎都可以跌親PK嘅,快啲買保險啦』呢啲咁無良嘅嘢嘅!」並提醒大家要珍惜眼前人和活在當下。
不過發文仍引起大批網民不滿,質疑他「此地無銀」,根本有心「抽水」:「真係唔想講就唔會打出嚟啦!」、「唔講之中已經講咗一次!」