同陳山聰連場超激親熱戲　李施嬅怕醜搵替身

藝人李施嬅忙於為無綫新劇《金宵大廈2》開工，特別向劇組請假一小時為出席慧妍雅集可重用口罩捐贈行動，認真有心。

她透露今日亦是《金》首集播映一周年，打算和陳山聰慶祝請飲嘢，提到《金2》有好激親熱戲，她說：「幾激吓，不過簽咗保密，唔講得，不過個古仔都好盡，有十個單元，我同陳山聰穿插，親熱戲好多，又嚟喇！又嚟喇！已經麻木咗，不過都OK，係幾大挑戰，（尺度大啲？）第一輯都有替身露大背脊，監製知我怕醜，所以今次都有替身，真係替我個「身」，（替你前定後？）唔知呀！（山聰唔要求你親身上陣？）佢唔會㗎！」笑言山聰比她專業得多，毋須替身，事關沒有替身有他咁弗的身形！提到自己好支持環保，知道要派口罩，着朋友幫手製作環保口罩更加環保，她又自拍戴着口罩的跳舞片以示支持。