蔣怡火辣泳裝Hot爆 老公猛叫着少啲

2020年09月16日 22:05
東網電視
更多新聞短片
蔣怡身形弗爆!
名模蔣怡(Coco)穿過無數靚衫,早前為代言品牌拍攝新一輯廣告,她分別以露肩、大露背裝和高衩泳裝上陣,演繹不同美態。她表示事前在家試身時鬧出不少笑話,其珠寶設計師老公翁狄森一見她穿上火辣泳裝,立即「手機先食」私影老婆性感照作珍藏,令她啼笑皆非,她說:「件泳衣一來太性感,二來唔夠長有啲緊,我帶返屋企試着,諗緊打底定唔打底,喺樓上試身時發現漏咗電話喺樓下,如果畀工人姐姐見到唔好,於是就叫隔籬房嘅老公過嚟幫我影。佢就好開心係咁影,不斷游說我『唔好着打底』、『少布先靚』。到朝早送我出門口去影樓時,佢仲追問會唔會影相畀佢睇,我話唔畀,佢就好得戚咁話自己手機都有。」她直言覺得老公的舉動很搞笑:「佢自己都笑自己,話邊有老公咁樣,叫老婆着少啲?」不過,Coco對自己仍有本錢性感,實在開心也來不及。
照顧家庭捱到周身痛
現在每天照顧兩名小孩和炮製一日3餐,消耗Coco不少心力和體力,她覺得女人要保持靚,必需有充足睡眠和做適當運動,但對她來說,這兩件事也是奢侈品,自言捱出一身痛症,並說:「自己有肩頸腰痛,要睇物理治療,我通常做Facial同按摩時,順便見埋物理治療師,但呢排好耐冇做,搞到成身肌肉好緊。(帶老公一齊做?)佢梗係唔好意思去,係有一次佢整親肩同手,介紹佢去做,佢覺得嗰度係女士嘅地方,講咗好耐先肯去。」