東張女神阮嘉敏 疫境起「甲」命!

2020年09月16日 23:43
東網電視
更多新聞短片
阮嘉敏學嘢自我增值!
《東張西望》主持阮嘉敏(Mandy),疫情期間自我增值,自學下廚和美甲,趁機增進家人之間的感情,她說:「我跟網上短片學,同埋問吓街市叔叔,最終煮咗蒜蓉開邊蝦同煎牛扒,全家都好驚訝,我都覺得煮得唔錯,發掘到天分。」而另一天分就是美甲,她說:「前排Gel甲店閂門,我就買部機返嚟自己整,依家仲幫朋友整,好以蔣祖曼,我會隨傳隨到,好好服務。我直情諗過,遲啲擺檔幫同事整,同事拍劇好多時要等,一路整指甲一路背劇本,幾好吖!」
Mandy表示第一個美甲客人是媽咪,Order則是哥哥所落。她比哥哥年輕6歲,兄妹感情深厚,她說:「我細個嗰陣,爸爸媽媽掛住做嘢,冇時間理我,係哥哥湊我返學放學,到依家大咗都會約出嚟睇戲傾偈。」她說哥哥明年若結婚,也希望哥哥住近一些,明顯不捨:「有得揀一定想佢開心,梗係想佢結婚。(揀埋阿嫂?)佢揀邊個我哋都鍾意。」她又表示哥哥對她結識男友的要求十分嚴格,拍拖前一定要先經他過目:「因為哥哥喺我心目中做埋父母角色,做乜都一定為我好,唔會害我。」