路芙講靈異事件　病逝舊同事返電台報新聞？

「電台鬼后」路芙在網上分享電台靈異事件，她說有次在主持靈異節目時，如常接聽眾來電分享親身經歷，令她大感奇怪是：「嗰個男觀眾講緊就快見鬼嘅時候，突然聽到有把唔係嗰個男仔嘅聲，好清楚講：『喂』，但感覺得係嗰個聽眾身邊有另外一個人，用另一條電話線打嚟電台『搭嗲』，但問番嗰位男觀眾，佢堅持身邊冇人，嗰一刻我同另一位主持都好緊張，喺同一時間電台嗰100條接線電話顯示燈突然全着，平時最多只係10條線㗎咋。」

而另一個靈異事件則同樣發生在電台，她說之前有位能操流利廣東話的外籍同事為英文台報道新聞，但聖誕節時因身體不適而入院，電台高層再請另一位菲律賓籍的新聞報道員做替工，數日後該替工問高層為何有另一位新聞報道員上班，當時高層不明所以，追問下才發現有「人」在直播室報道新聞，路芙表示：「最靈異係替工形容嗰個新聞報道員個外表同入咗院嗰位舊同事好似，不過嗰位舊同事入咗院後就病逝，所以咪係有靈體返嚟報新聞呢？」