【三十而立】「李莫仇」張詩欣事業目標唔係做女一

2020年09月17日 11:00
東網電視
更多新聞短片
張詩欣今年三十,佢為事業定下目標。
藝人張詩欣憑無綫處境劇《愛.回家之開心速遞》「李莫仇」逐漸嶄露頭角,但入行六年來,也曾經歷銀行戶口結餘不足一百元的苦日子,她說:「當時戶口得番雙位數,要叫屋企人過70幾蚊畀我,但佢哋由始至終都冇反對,反而係擔心我冇錢用。我都幾任性,恃住自己最細個,將責任交畀哥哥家姐。」三十而立,今年她正式踏入三字頭,但仍未闖出一番事業,她默默在心中訂立目標:「我想做到女二,女一就唔敢諗啦!」
劇中她扮醜女向「朱凌凌」吳偉豪發動猛烈追求攻勢,二人經常有身體接觸,她說:「入行第一次同男演員咁近距離接觸,初頭都會好怕醜,佢就不斷安慰我,叫我放鬆啲,依家熟咗就嘻笑怒罵。」但她坦言好開心能扮演醜角:「我有自知之明,由入行已經知唔會做靚女角色,難得有醜角令到大家注意,好開心。」
單眼皮的她回憶中學時期曾被取笑「豆豉眼」,又坦言曾有割雙眼皮的念頭:「有日我叫化妝間姐姐幫我貼雙眼皮貼,佢話:『既然個個都雙眼皮,點解要追求一樣,就算你變咗雙眼皮,係咪就代表靚!』呢句令我唔再執着。」