【曾患厭食症】51歲袁潔瑩獲江欣燕等慶生 面容消瘦勁憔悴

2020年09月17日 12:20
東網電視
更多新聞短片
唔通女人唔Keep真係好易老...?
藝人袁潔瑩雖然淡出幕前多年,但人緣甚佳嘅佢仍與圈中藝人保持聯繫,前日趁住51歲生日,獲一眾好友湯寶如、江欣燕、關寶慧、黃百鳴為佢慶生,相中見着上橙紅色鬆身上衣嘅佢明顯瘦咗好多,唔單止面容消瘦,眼神仲有啲疲憊,狀況同前年差一大截,有網友痛心袁潔瑩,留言叫佢食番多啲嘢。
前年與溫碧霞、黎瑞恩等開派對慶生,兩年前嘅袁潔瑩仍然容光煥發,同年亦有上過無綫節目《流行經典50年》擔任嘉賓,並分享早睡早起嘅保養心得。
袁潔瑩15歲被黃百鳴發掘入行,與羅美薇、陳加玲等人組成「開心少女組」,憑主演《開心鬼》系列成功彈起,星途一片光明。90年代主演多套電影包括《笑傲江湖》中飾演藍鳳凰、《鹿鼎記》中飾演雙兒,亦加入無綫主演多套劇集,可惜於1994年事業高峰期患上厭食症,漸漸淡出幕前。2014年,袁潔瑩應曾志偉邀請參演劇集《女人俱樂部》。